पत्रकारलाइ लात्ती हाने सुनकाण्डमा पक्राउ परेका एसएसपीलाई थुनामुक्त गर्न आदेश

0 219

Get real time updates directly on you device, subscribe now.

२९ भदौ, काठमाडौं । उच्च अदालत, बिराटनगरले सुनकाण्डमा मुछिएका सञ्चारकर्मीमाथि लात्ती प्रहार गर्ने एसएसपी दिवेश लोहनीलाई साधारण तारेखमा छोड्ने आदेश दिएको छ ।

न्यायाधीश नागेन्द्रलाभ कर्ण र शारङ्गा सुवेदीको संयुक्त इजलासले शुक्रबार मोरङ जिल्ला अदालतकाे आदेश उल्ट्याउँदै लोहनीलार्इ थुनामुक्त गर्ने अादेश दिएको हो ।

उनले ७ असारमा थुनामुक्त हुन पाउँ भन्दै उच्च अदालतमा निवेदन दिएका थिए ।

उनी तत्कालिन महानगरीय अपराध अनुसन्धान महाशाखाका प्रमुख थिए । प्रकरणको अनुसन्धान गर्न गृह मन्त्रालयका सह-सचिव र्इश्वरराज पौडेलको नेतृत्वमा गठित समितले उनलाई बयानका लागि बोलाएको थियो ।

र, १९ वैशाखमा उनी पक्राउ परेका थिए । उनलाई बयानपछि पक्राउ पूर्जी थमाइएको थियो।

लोहानीसहित पूर्व डीआईजी गोविन्द निरौला, एसपी विकासराज खनाल, डीएसपीद्वय प्रजित केसी, सञ्जय राउत, सई बालकृष्ण सन्जेल, जवान विष्णुबहादुर खड्कासहित ६३ जनालार्इ प्रतिवादी बनाएर जिल्ला अदालत, मोरङमा मुद्दा दर्ता भएको थियो ।

लोहनीले यसअघि पनि पत्रकारमाथि लात्ती हानेका थिए

यसअघि सप्तरी प्रहरी प्रमुख हुँदा पनि लोहनीले पत्रकारमाथि लात्ती हानेका थिए । कार्यभार सम्हालेर आएको भोलिपल्टै लोहनीले २०७३ साल मंसिर १० गते छिन्नमस्ता शक्तिपीठमा लात्ती प्रहार गरेका थिए ।

भारतीय योगगुरु रामदेव आएको समयमा रिपोर्टिङ्ग गर्न खटिएका पत्रकार चन्दन यादवमाथि लोहनीले लात्ती प्रहार गरेका थिए । लात्ती प्रहार गरेको घटनापछि सप्तरीका पत्रकारहरुले एक साता आन्दोलन गरेपछि लोहनीले माफी माग्दै आइन्दा यस किसिमको घट्ना नदोहोर्‍याउने जनाएका थिए । अनलाइन खबरबाट 

 

Leave A Reply

Your email address will not be published.